Print Recipe
बटाटा वडा
Instructions
- आलं, लसूण यांची बारीक पेस्ट करावी. नंतर त्यात मिरच्या घालून थोडया फिरवाव्यात. भरडा तयार करावा.
- पॅनमध्ये तेल गरम करावे. त्यात मोहरी हिंग धणे, कडीपत्ता, आलं, मिरचीचा भरडा हळद घालून थोडे परतावे. म्हणजे त्याचा कच्चा वास निघून जातो. त्यात कोथिंबीर घालावी. फोडणी थंड करून घ्यावी.
- बटाटे हातानी चांगले स्मॅष करून घ्यावे.
- बटाटयात फोडणी, मीठ घालून चांगले एकजीव करावे.
- छोटे चपटे गोळे करून घ्यावेत. हाताला थोडेसे पाणी लावावे म्हणजे हाताला चिकटत नाहीत.
- बेसन चाळून घ्यावे. त्यात हळद, लाल तिखट, मीठ आणि थोडेसे पाणी घालून पीठ भिजवावे.
- कढईत तेल गरम करावे. वरील बटाटयाचा गोळा एक एक करून पीठात बुडवून तेलात तळून घ्यावा.
- गुलाबी सर वडे झाले की तेल निथळून वडे बाहेर काढावेत.
- खोब-याच्या चटणीसोबत आणि तळलेल्या मिरची सोबत खायला दयावेत.